RTI - A. Govindaraj, Tirupur: நுகர்வோர் பாதுகாப்பு சட்டம்

பெரம்பலூர்: வீட்டு மனையை அளந்து
தராமல் இழுத்தடித்த தாசில்தார், நிலஅளவையர் உள்பட 3 பேர் ரூ.12 ஆயிரம் இழப்பீடு வழங்க பெரம்பலூர் மாவட்ட நுகர்வோர் கோர்ட் உத்தரவிட்டது. பெரம்பலூர் மாவட்டம் வேப்பந்தட்டை தாலுக்கா வெங்கலம் மெயின்ரோடு பகுதியை சேர்ந்தவர் தனபால். ஓய்வு எஸ்ஐ . இவர் தனது வீட்டுமனையின் 4புற எல்லைகளை அளந்து தர கோரி வேப்பந்தட்டை தாசில்தாரிடம் விண்ணப்பித்து தாலுகா அலுவலகத்திலுள்ள சர்வேயரிடம் கடந்த 2013ம் ஆண்டு ஏப்ரல் 24ம்தேதி பணம் செலுத்தினார். இதன்படி தாலுகா அலுவலகத்திலிருந்து வந்து யாரும் நிலத்தை அளந்து தரவில்லை. இதனையடுத்து 2014ஜூலை 28ம் தேதி மீண்டும் தனது வீட்டுமனையை அளந்து தரும்படி விண்ணப்பித்துள்ளார்.
இந்தமனு குறித்து பெரம்பலூர் மாவட்ட கலெக்டரும் சம்மந்தப்பட்ட நில அள வைத் துறையின் உதவி இயக்குநருக்கு உத்தரவு பிறப்பித்துள்ளார். இருந்தும் யாரும் அளந்து தரவில்லை. இதையடுத்து சேவை குறைபாடால் பாதிக்கப்பட்ட தனபால் 2015 டிசம்பர் 16ம் தேதி பெரம்பலூர் மாவட்ட நுகர்வோர் நீதிமன்றத்தில் வழக்கு தொடர்ந்தார். இந்த வழக்கு விசாரணை நேற்று மீண்டும் எடுத்துக் கொள்ளப்பட்டது.பெரம்பலூர் மாவட்ட நுகர்வோர் நீதிமன்ற நீதிபதி கலியமூர்த்தி, நீதிமன்ற உறுப் பினர்கள் அன்பழகன் ஜெயலட்சுமி ஆகியோர் கொண்ட அமர்வு விசாரித்தது. இதனையடுத்து சம்மந்தப்பட்ட வேப்பந்தட்டை தாசில்தார், வட்ட நிலஅளவையர், பகுதி நில அளவையர் ஆகியோர் பாதிக்கப்பட்ட மனுதாரருக்கு ரூ.10ஆயிரம் இழப்பீட்டுத் தொகையாகவும், ரூ2ஆயிரம் வழக்கு செலவிற்காக என மொத்தம் ரூ.12 ஆயிரத்தை வழங்க வேண்டுமென உத்தரவிட்டார்.
இந்த தீர்ப்பு பெரம்பலூரில் பரபரப்பை ஏற்படுத்தியுள்ளது.

thanks - பெரம்பலூர் மாவட்ட செய்தி

Posted by A Govindaraj Tirupur at 04:02 No comments:

Email This BlogThis!Share to X Share to Facebook Share to Pinterest

Labels: நுகர்வோர் பாதுகாப்பு சட்டம்

5848 - சேவை குறைபாடு: ஆண்களுக்கான சிவப்பழகு விளம்பரம் :இமாமிக்கு ரூ.15/- லட்சம் இழப்பீடு வழங்க வேண்டும், First Appeal- 549/2015 (Arising out of the order dated 31.10.2015, நன்றி ஐயா. Trdurai Kamaraj

சேவை குறைபாடு: ஆண்களுக்கான சிவப்பழகு விளம்பரம் :இமாமிக்கு ரூ.15/- லட்சம் இழப்பீடு வழங்க வேண்டும் -நுகர்வோர் நீதி மன்றம் தீர்ப்பு
Consumer court awards Rs 15 lakh to Emami's Fair and Handsome user for 'psychological' harm
IN THE STATE COMMISSION: DELHI Date of Decision:01.05.2017
First Appeal- 549/2015 (Arising out of the order dated 31.10.2015 passed in Complainant Case No. 53/2013 by the District Consumer Disputes Redressal Forum (Central), Kashmere Gate, Delhi

ஆண்களுக்கான சிவப்பழகு விளம்பரம் : இமாமிக்கு 15 லட்சம் அபராதம்!
நான்கு வாரங்களில் உங்கள் சருமம் சிவப்பாகும் என்ற விளம்பரம் போலியானது என தொடரப்பட்ட வழக்கில், இமாமி நிறுவனத்துக்கு 15 லட்ச ரூபாய் அபராதம் விதிக்கப்பட்டுள்ளது.
ஆண்கள் பயன்படுத்தக் கூடிய, ஃபேர்னஸ் கிரீமை பயன்படுத்தினால், நான்கு வாரங்களில் உங்கள் முகத்துக்கு சிவப்பழகு கிடைக்கும் என்று நடிகர் ஷாருக்கான் நடித்த விளம்பரத்தை இமாமி நிறுவனம் வெளியிட்டுள்ளது.
இந்த விளம்பரத்தை பார்த்து நிகில் என்ற 23 வயது மாணவர், இமாமி சிவப்பழக்கு கிரீமை வாங்கி பயன்படுத்தியுள்ளார். ஒரு மாத காலமாகியும் சிவப்பழகு கிடைக்கவில்லையாம். விளம்பரத்தில் கூறியது போல, மாணவரின் முகம் சிவப்பழகு பெறவில்லை.
இதனைத் தொடர்ந்து நிகில், டெல்லி நுகர்வோர் நீதிமன்றத்தில் வழக்கு தொடர்ந்தார். " நடிகர் ஷாருக்கான் நடித்த இமாமி நிறுவன விளம்பரம் போலியானது. அந்த விளம்பரத்தை வெளியிட இமாமி நிறுவனத்துக்கு தடை விதிக்க வேண்டும். எனக்கு வழக்குச் செலவுக்கு பணம் தர வேண்டும்" என்று தனது மனுவில் நிகில் கூறியிருந்தார்.
வழக்கை விசாரித்த நீதிமன்றம், இமாமி நிறுவனத்துக்கு ரூ. 15 லட்சம் அபராதம் விதித்து உத்தரவிட்டது. அதோடு வழக்கு செலவுக்காக மாணவர் நிகிலுக்கு ரூ.10 ஆயிரம் வழங்கவும், அந்த விளம்பரத்தை நிறுத்தவும் உத்தரவிடப்பட்டது.